ზუგდიდის საკრებულოს წევრობის კანდიდატი კოალიცია "ქართული ოცნებიდან"
კახა მიქაია, სასაცილოს და აბსურდულს უწოდებს, "ნაციონალური მოძრაობის" წევრის თენგიზ გუნავას განცხადებას იმის თაობაზე, რომ ადგოლბრივ თვითმმართველობის არჩევნებში, სამეგრელოს რეგიონში "ნაციონალური მოძრაობა" "ქართულ ოცნებას" დაამარცხებს.
როგორც კახა მიქაიამ განაცხადა, თენგიზ გუნავა მისი კონკურენტი არასდროს ყოფილა. მისივე თქმით, "ქართული ოცნება" ადგილობრივ თვითმმმართველობის არჩევნებს "ნაციონალურ მოძრაობას" დიდი უპირატესობით მოუგებს, თუმცა, მოსალოდნელია, რომ ოპოზციური პარტია საკრებულოებში საკუთარი კანდიდატების გაყვანას გარკვეული რაოდენობით მაინც შეძლებენ.
როგორც მიქაიამ აღნიშნა, "ნაციონალური მოძროაბა" დასრულებულია, რეალურად მისი ლიდერი დღეს როლანდ ახალაიაა, თუმცა სამეგრელოში ადამიანების გარკვეული რაოდენობა ჯერ კიდევ არსებობს, ვინც მხარს სწორედ მას უჭერს.
"ნაციონალური მოძრაობა" დასრულებულია და მისი ლიდერი დღეს რეალურად არის როლანდ ახალაია. მისი ლიდერობით "ნაციონალური მოძრაობა" რას გააკეთებს, მგონი, ამაზე საუბარი ზედმეტია. ჩვენ ძალიან მძიმე მემკვიდრეობა გვერგო. მათი მომხრე ადამიანების გარკვეული რაოდენობა ჯერ კიდევ არსებობს სამეგრელოში. საკრებულოში შეველენ, მაგრამ გამარჯვებაზე და ბეჭზე დადებაზე საუბარი სასაცილოა. თენგიზ გუნავა სამხარეო პოლიციის უფროსი იყო, როდესაც ადამიანებს აუპატიურებდნენ, იტაცებდნენ, ჩაგრავდნენ, ტერორიზებული იყო ბიზნესი, ხალხს ქუჩაში გამოსვლის ეშინოდა და როდესაც სულ 2-3 კაცი ვამბობდით სიმართლეს", -აღნიშნა მან.
სამეგრელოს სამხარეო პოლიციის ყოფილი უფროსმა, ამჟამად "ნაციონალური მოძრაობის" კანდიდატმა თენგიზ გუნავამ, განაcხადა, რომ "ნაციონალური მოძრაობა" "ქართულ ოცენებას" "ბეჭებზე დადებს.
ადგილობრივი თვითმმართველობის არჩევნები 15 ივნისს არის დანიშნული.
