საქართველოს დამოუკიდებლობის დღისადმი მიძღვნილი, ტრადიციული ყვავილების ფესტივალი წელს 10 წლის საიუბილეო თარიღს აღნიშნავს, ფესტივალილ პირველად სამი დღის განმავლობაში გაიმართება 24, 25 და 26 მაისს სოფიკო ჭიაურელის სახ. სკვერსა და მის მიმდებარე ქუჩებზე (შარდენის ქუჩა, ბამბის რიგი).
საფესტივალო გამოფენები,სამივე დგეს გაიხსნება დილის 10 საათიდან და გაგრძელდება საღამოს 19:00 საათამდე.
წლევანდელ საიუბილეო ფესტივალში მონაწილეობას იღებენ სხვადასხვა გამწვანების კომპანიები, ყვავილების მაღაზიები და კერძო კოლექციონერები.
26 მაისს "ვარდობისთვე თბილისში", საიუბილეო ექსპოზიციით , პარალელურად რუსთაველის გამზირზე I კლასიკური გიმნაზიის წინ 12:00 20:00 საათამდე იქნება წარმოდგენილი.
ტრადიციულად "ვარდობისთვე თბილისში" თბილისის მერიის დაფინანსებით გაიმართება.
