,,მნიშვნელოვანია, საქართველოში მოქმედი ბიზნესსუბიექტები ჩართული იყვნენ ასოცირების ხელშეკრულებიდან გამომდინარე საკანონმდებლო ცვლილებების შემუშავებაში", _ამის შესახებ, პრემიერ-მინისტრმა ირაკლი ღარიბაშვილმა ბიზნესმენებთან შეხვედრისას განაცხადა.
მისივე განმარტებით, ევროკავშირთან ასოცირების ხელშეკრულების გაფორმება ხელს შეუწყობს ქართული პროდუქციის ევროპულ ბაზარზე გასვლას.
,,ძალიან მნიშვნელოვანია, რომ საქართველოში მოქმედი ბიზნესსუბიექტები ჩართული იყვნენ ასოცირების ხელშეკრულებიდან გამომდინარე საკანონმდებლო ცვლილებების შემუშავებაში, იმისათვის, რომ ადგილობრივი წარმოების ინტერესებისა და ქვეყანაში არსებული ვითარების გაუთვალისწინებლად არ მოხდეს ღრმა და ყოვლისმომცველი თავისუფალი სავაჭრო სივრცის ფარგლებში მაღალგანვითარებული ევროპული ქვეყნების კანონმდებლობის და სტანდარტების კოპირება", _აღნიშნა პრემიერმა.
