პრემიერ-მინისტრის ირაკლი ღარიბაშვილის განცხადებით, უახლოეს პერიოდში მთავრობა განიხილავს სოციალურ-ეკონომიკური განვითარების სტრატეგიას ,,საქართველო-2020". როგორც პრემიერ-მინისტრმა ბიზნესსექტორის წარმომადგენლებთან შეხვედრისას განაცხადა სტრატეგიის მთავარი მიმართულებებია კერძო სექტორის კონკურენტუნარიანობის ამაღლება, ადამიანური რესურსების განვითარება და ფინანსებზე ხელმისაწვდომობის ზრდა.
,,შემუშავებულია და მალე მთავრობა განიხილავს სოციალურ-ეკონომიკური განვითარების სტრატეგიას - საქართველო 2020, რომლის ძირითადი მიზანია ყოვლისმომცველი (ინკლუზიური) ეკონომიკური ზრდა. სტრატეგიის მთავარი მიმართულებებია კერძო სექტორის კონკურენტუნარიანობის ამაღლება, ადამიანური რესურსების განვითარება და ფინანსებზე ხელმისაწვდომობის ზრდა", _განაცხადა ღარიბაშვილმა.
