საქართველოს საგარეო საქმეთა ექს-მინისტრი გრიგოლ ვაშაძე, რუსეთის საგარეო საქმეთა სამინისტროს ოფიციალური წარმომადგელის ალექსანდრე ლუკაშევიჩის მიერ საქართველოსა და ევროკავშირს შორის ასოცირების ხელმოწერის შესაძლო შედეგებთან და საქართველოს „ზოგიერთი პოლიტიკოსის" მიერ ნატოში ინტეგრაციის სურვილთან დაკავშირებით გაკეთებულ განცხადებას ეხმიანება და საქართველოს ხელისუფლებას „ულოცავს".
ივერია ბიზ-ში გამოქვეყნებულ სტატიაში „ვულოცავ საქართველოს ხელისუფლებას!" ვაშაძე წერს: არ არის შესანიშნავი? არ ხართ ექსტაზში საქართველოს პრეზიდენტ-პრემიერივით? ხელისუფლების "ახალმა რუსულმა პოლიტიკამ" ბრწყინვალე შედეგები მოიტანა!
"ეს ხომ მიღწევაა: რუსეთმა გვითხრა, არ მოაწეროთ ხელი ასოცირების ხელშეკრულებას, თორემ ონიშჩენკო მოგონილი იქნებაო - თქვენ თვითონ არ აიტეხეთ ჩვენ სავაჭრო ხაფანგში შემოძრომაო? საჰაერო თავდაცვის სისტემების განლაგება მეზობელ ქვეყანაში ჩვენთვის, ანუ რუსეთისთვის, მიუღებელია, იმიტომ, რომ მერე დაუსჯელად როგორ განვახორციელოთ სამხედრო აგრესია და თბილისი, გორი, ფოთი და სხვა ქალაქები და სოფლები როგორ დავბომბოთო ისე, როგორც ვბომბავდით 1990 წლიდანო (ამას კობახიძე და ჭიკაიძეც ეთანხმებიან)? და საერთოდ, რა მოლაპარაკებები აგიტყდათ ევროკავშირთან და NATO-სთანო? აგერ, ელაპარაკება კარასინი აბაშიძეს მოსკოვიდან ერევნამდე აფხაზეთის გავლით რკინიგზის გახსნაზეო, "აეროფლოტის" რეისების აღდგენაზეო, პუტინის შეხვედრაზე იმასთან... მოკლედ, პრეზიდენტს რომ ეძახის თავის თავს, მავთულხლართებზე და საქართველოს გატაცებულ მოქალაქეებზე (ვიტაცებთ, მაგრამ გიბრუნებთ მერეო, ამიტომ ეს პრაღის "მოლაპარაკებების" ჰუმანიტარული ასპექტიაო!). და ბოლოს, ძვირფასო ქართველო ერთმორწმუნე ძმებოო, ევროკავშირთან რამე რომ დაგჭირდეთ, უთხრას აბაშიძემ კარასინს, განვიხილავთ და, თუ მისაღებად ჩავთვლით, მოგიგვარებთო", - წერს ვაშაძე.
ვაშაძე ყურადღებას ამახვილებს ლუკაშევიჩის განცხადებაზე საქართველოს საგარეო უწყების რეაქციაზე და აცხადებს: ამ ყველაფრის შემდგომ, საქართველოს საგარეო საქმეთა სამინისტრომ კომენტარი გააკეთა: "რუსეთმა უნდა იცოდეს, რომ ჩვენ არავისთან არავის წინააღმდეგ არ ვვერთიანდებით". თუმცა, ბოდიში არ მოუხდია, რაც დღეს შეიძლება დიპლომატიის უმაღლეს კლასად ჩაითვალოს.
შეგახსენებთ, რომ რუსეთის საგარეო საქმეთა სამინისტრო საქართველოს მიერ ევროკავშირთან ასოცირების ხელშეკრულებას არასასურველად მიიჩნევს და ოფიციალურ თბილისს დაფიქრებისკენ მოუწოდებს. როგორც რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა განაცხადა, საქართველოს ხელისუფლებამ უნდა გაათვითცნობიეროს ხელშეკრულების ხელმოწერის შედეგები.
„გასათვითცნობიერებელ" საკითხებს შორის ლუკაშევიჩმა ორმხრივი და სავაჭრო ურთიერთობები დაასახელა. მან ასევე აღნიშნა, რომ რუსეთი დღეისთვის საქართველოსთვის სავაჭრო ბრუნვით მესამე პარტნიორია და მიანიშნა, რომ საქართველოს არ უნდა უღირდეს ამ რეალობის დაკარგვა.
„აუცილებელია შედეგების გაცნობიერება, რომელიც შეიძლება მოყვეს საქართველოსა და ევროკავშირს შორის ასოცირების ხელშეკრულების ხელმოწერას... ეს ეხება როგორც ჩვენს ორმხრივ ურთიერთობებს, ასევე საფინანსო და ეკონომიკურ შედეგებს, რომელზედაც მოგვიწევს მუშაობა, საქართველოსა და ევროკავშირს შორის შეთანხმების ფაქტორის გათვალისწინებით", - განაცხადა ლუკაშევიჩმა.
მან ასევე აღნიშნა, რომ ყველა სახელმწიფომ ნაბიჯის გადადგმის დროს უნდა გააცნობიეროს და გათვალოს არა მხოლოდ ურთიერთქმედებებით გამოწვეული უპირატესობა ამა თუ იმ საერთაშორისო ორგანიზაციასთან და სტრუქტურასთან თანამშრობლობისას, არამედ „დაფიქრდეს იმ ნაბიჯებზე, რომლის გადადგმა მოუწევთ იმ ქვეყნებს, რომელთაც მათთან ორმხრივი ურთიერთობა აქვთ".
მისივე თქმით, საქართველოში ზოგიერთი პოლიტიკოსი ნებისმიერ ფასად ცდილობს მიაღწის ნატოში გაერთიანებას და არც კი ფიქრობენ იმის შესახებ, რომ ამან შეიძლება ზიანი მიაყენოს სხვა ქვეყნების უსაფრთხოებას.
„ამ მხრივ ჩვენ დაგვაფიქრა საქართველოს თავდაცვის მინისტრის ირაკლი ალასანიას ვაშინგტონში გაკეთებულმა განცხადებებმა, რომელმაც გააჟღერა მოწოდება საქართველოში აშშ-ს ან ნატოს რაკეტსაწინააღმდეგო სისტემის განლაგების შესახებ", - განაცხადა ლუკაშევიჩმა.
ლუკაშევიჩი ალასანიას საქციელს უწუნებს და აცხადებს, რომ თავდაცვის მინისტრი საკუთარი ქვეყნის უსაფრთხოებაზე ზრუნვისას მეზობელი ქვეყნების პრობლემებსა და ინტერესებს უნდა ითვალისწინებდეს.
„თავდაცვის მინისტრი უნდა ზრუნავდეს საკუთარი ქვეყნის უსაფრხოებაზე, მაგრამ მხედველობაში ქონდეს, როგორც მინიმუმ მეზობლების უსაფრთხოების პრობლემები. ამ მხრივ თბილისთან მიმართებაში ჩვენ გვიჩნდება კითხვები რეალურ განზრახვებზე და ვისგან უნდა დაიცვას - თუ ის განლაგდება - ამ სისტემებმა საქართველოს ტერიტორია", - განაცხადა ლუკაშევიჩმა.
რუსეთის საგარეო უწყება კარასინი- აბაშიძის მოლაპარაკებების ფორმატს წარმატებულად მიიჩნევს და მის გაფართოებას ან დამატებითი ფორმატების შექმნის საჭიროებას ვერ ხედავს.
„ჩვენ კმაყოფილნი ვართ იმ შედეგებით, რომელიც მიიღწევა მიმდინარე დიალოგის ფარგლებში და სამომავლო გეგმებით", - განაცხდა ლუკაშევიჩმა.
მან აღნიშნა, რომ ორ ქვეყანას შორის არაფორმალურმა დიალოგმა შესაძლებელი გახადა მთელი რიგი მიმართულებების - ეკონომიკურ, ჰუმანიტარულ და სატრანსპორტო სფეროებში - წარმატება.
„ჩვენ ვფიქრობთ კიდევ უფრო წინ წავიწიოთ ორი ქვეყნის ინტერესებიდან გამომდინარე.~", - განაცხადა ლუკაშევი
