სუპერმარკეტ „სმარტმა" პირველად საქართველოში საკუთარი მიკრობიოლოგიური ლაბორატორია შექმნა და მომხმარებლისთვის უმაღლესი ხარისხის, ჯანსაღი პროდუქტების მისაწოდებლად ხარისხის კონტროლის სტანდარტები სრულჰყო.
„მიკრობიოლოგიური ლაბორატორია, რომელიც „სმარტში" შევქმენით, საშუალებას გვაძლევს მუდმივად და სრულყოფილად ვაკონტროლოთ „სმარტის" ქსელში რეალიზებული პროდუქტების ხარისხი და უვნებლობა, რათა გამოვრიცხოთ ახალ მზა კერძებსა თუ სხვა პროდუქტებში, როგორიცაა ხორცი, რძის პროდუქტები, ხილ-ბოსტნეული, ადგილობრივი წარმოების თუ იმპორტირებული პროდუქტები, ბაქტერიებისა თუ პარაზიტების არსებობა. „სმარტი" პირველი სუპერმარკეტია საქართველოში, რომელმაც მსგავსი მაღალტექნოლოგიური ლაბორატორია საკუთარ ობიექტზე შექმნა, რაც ჩვენი მომხმარებლებისათვის პროდუქტების უმაღლესი ხარისხისა და უსაფრთხოების დამატებითი გარანტიაა", აცხადებს „სმარტის" სურსათის უვნებლობისა და ხარისხის კონტროლის სამსახურის უფროსი კახა მუხიგული.
„სმარტის" ახალ ლაბორატორიაში 50-მდე მიკრობიოლოგიური ანალიზი ანალიზი ტარდება.
„„სმარტმა" მნიშვნელოვანი ინვესტიცია განახორციელა ხარისხის კონტროლის სისტემის სრულყოფისათვის. საკუთარი მიკრობიოლოგიური ლაბორატორიის შექმნა „სმარტს" შესაძლებლობას აძლევს მუდმივად განახორციელოს პროდუქტისა და პროცესების ანალიზი და ყველა ბიოლოგიური ინდიკატორის ტესტირების საფუძველზე უზრუნველყოს საკვები პროდუქტების უსაფრთხოება და მუდმივად შეინარჩუნოს წარმოებული პროდუქტების მაღალი ხარისხი", აცხადებს სურსათის უვნებლობის საერთაშორისო ექსპერტი მატი ლამპი.
„ვისოლ ჯგუფმა" სუპერმარკეტების ქსელის „სმარტის" განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს ვაკეში, აღმაშენებლის ხეივნის მე-13 კილომეტრზე, რუსთაველის გამზირზე, ვაზისუბნის მეორე მიკრორაიონში, კახეთის გზატკეცილზე, გუდაურში, ბათუმში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.
