13 ივნისს სასტუმრო „რადისონ ბლუ ივერიაში" საინვესტიციო კონფერენცია გაიმართება, რომელსაც საქართველოს პრემიერ-მინისტრი ირაკლი ღარიბაშვილი და ევროკომისიის პრეზიდენტი ჟოზე მანუელ ბაროზო გახსნიან. კონფერენცია ეძღვნება ევროკავშირთან ღრმა და ყოვლისმომცველი თავისუფალი ვაჭრობის შეთანხმებას და ასევე წარმოდგენილი იქნება მთავრობის სამოქმედო გეგმა. ევროპელი ბიზნესმენები მიიღებენ ინფორმაციას საქართველოს საინვესტიციო შესაძლებლობების შესახებ, ქართულ კომპანიებს კი შესაძლებლობა ექნებათ წარმოადგინონ საკუთარი ბიზნეს-პროექტები, პროდუქცია და სერვისები.
გარდა ამისა, დაგეგმილია გაცნობითი სახის მიღება ქართული და ევროპული კომპანიების წარმომადგენლებს შორის.
