11, 12 ივლისს, ფესტივალი TBILISI SUMMER SET FEST 2014 მსოფლიო დონის ვარსკვლავებს უმასპინძლებს. ფესტივალზე 2 დღის განმავლობაში 10 უცხოელი და 20-მდე ქართველი არტისტი დაუკრავს.
TBILISI SUMMER SET FEST 2014 უკვე მესამედ იმართება და წელს ქართველ და უცხოელ მსმენელს საფესტივალო ქალაქის ფარგლებში ორ სხვადასხვა სცენას, რამდენიმე გასართობ ზონას და სპეციალურ ლაუნჯს სთავაზობს.
TBILISI SUMMER SET FEST 2014-მდე 27 ივნისს გაიმართება ოფიციალური პრე-ფართი, რომელზეც გერმანული ტექნოს ლეგენდა PAN-POT დაუკრავს. ასევე მაყურებელი მედიის მეშვეობით გაიცნობს ფესტივალზე გამომსვლელ ახალგაზრდა თუ ვეტერან ქართველ არტისტებს.
TBILISI SUMMER SET FEST 2014-ის მიზანია ქართველ მელომანებს მისცეს საშუალება ქვეყნიდან გაუსვლელად მოხვდნენ მსოფლიო დონის არტისტების შოუებზე, ტურისტებისთვის კიდევ უფრო მიმზიდველი გახადოს ქვეყანა და ახალგაზრდა არტისტებისთვის მუსიკალურ პლატფორმად იქცეს.
