კომპანია Мillward Вrown Оptimor-მა მსოფლიოს წამყვანი 100 ბრენდის ღირებულება 2,9 ტრილიონ დოლარად შეაფასა. კრიზისიდან გამოსვლასთან ერთად ცხადია ბრენდების ღირებულება იზრდება, რადგანაც მსოფლიოში მათზე მოთხოვნა მზარდია.
როგორც ირკვევა Google-ს ბრენდი 40 %-ით, 158,84 მლრდ დოლარამდეა გაძვირებული. ამან კი კომპანიას საშუალება მისცა მსოფლიოს უძვირესი ბრენდის ტიტული მოეპოვებინა და უკან ჩამოეტოვებინა წინა წლების ლიდერი Apple, რომელიც თავის მხრივ 20 %-ით გაიაფდა. Google-ს დაწინაურების შანსი კი მისმა ახალმა პროდუქტმა Google Glass-მა მისცა. Apple-ს ბრენდის ღირებულება კი დღეისათვის 147,880 მლნ დოლარადაა შეფასებული. მსოფლიოს უძვირესი ბრენდების რეიტინგში მესამე ადგილზეა IBM (107,54 მლრდ დოლარით), მეოთხეზე კი Microsoft (90,19 მლრდ დოლარით). მეხუთე ადგილს McDonalds-ი იკავებს, მეექვსზე პოზიციას კი Coca-Cola.
Amazon-ი რეიტინგში მე-10 პოზიციას დასჯერდა, ხოლო Facebook - 21-ე ადგილს. მსოფლიოს ძვირადღირებულ ბრენდებს შორის Disney 23-ე ადგილზეა, Starbucks-ი - 31-ე ადგილზე, Ikea - მე-50 ადგილზე, eBay - 61-ე ადგილზე, Yahoo - 69-ე ადგილზე, ხოლო Twitter - 71-ე პოზიციაზე.