ვითიბი ბანკმა, სრული მოცულობით გამოისყიდა „ვითიბი ბანკ ჯორჯიას" აქციების დამატებითი ემისია 11 მლნ. ლარის ოდენობით. აღნიშნულის შედეგად, „ვითიბი ბანკ ჯორჯიას" საწესდებო კაპიტალმა 171.3 მლნ. ლარს მიაღწია, ხოლო ვითიბი - ს წილი კაპიტალში 96.6 % -დან 96.8 %-მდე გაიზარდა.
მიმდინარე წლის 20 მარტს, საქართველოს ეროვნულმა ბანკმა დაამტკიცა ემისიის საბოლოო პროსპექტი, რომლის მიხედვითაც ვითიბი ბანკ ჯორჯიამ განახორციელა 11 000 000 (თერთმეტი მილიონი) ჩვეულებრივი აქციის საჯარო შეთავაზება, რომელთა ნომინალური ღირებულება შეადგენს: ერთი აქცია - ერთი ლარი.
ვითიბი ბანკის შვილობილი კომპანიების დეპარტამენტის ხელმძღვანელმა მიხეილ იაკუნინმა, განაცხადა:
კაპიტალიზაციის დონის ამაღლება ხელს შეუწყობს ვითიბი ბანკ ჯორჯიას განვითარებას. დადებითად იმოქმდებს ბიზნესის განვითარებაზე. ბანკის აქტივებმა 2014 წლის 31 მარტისთვის 912,4 მლნ. ლარს მიაღწია. მნიშვნელოვანი ზრდა დაფიქსირდა ყველა ძირითადი ბიზნეს მიმართულებით. ვითიბი ბანკი აქტიურად მუშაობს მსხვილი, საშუალო და მცირე ბიზნესის დაკრედიტებაზე, საცალო სეგმენტის განვითარების მიზნით მომხმარებელს საცალო პროდუქტების და მომსახურების სრულ სპექტრს სთავაზობს. ვითიბი ჯგუფის ბანკებთან ერთად, საქართველოს ბიზნეს სექტორს, საკრედიტო პროდუქტებს, სავაჭრო დაფინანსებას და დოკუმენტურ ოპერაციებს სთავაზობს.
ცნობისათვის: ვითიბი ბანკი (ჯორჯია), ვითიბის საერთაშორისო ფინანსური ჯგუფის წევრია. დღეს ვითიბი ჯგუფის ბანკები 20-ზე მეტ ქვეყანაშია წარმოდგენილი. ვითიბი ჯგუფის უნივერსალური მოდელი მოიცავს: კორპორატიულ, საცალო და საინვესტიციო ბიზნესს.
