სუპერმარკეტი „სმარტი" პირველად საქართველოში საკუთარ მიკრობიოლოგიურ ლაბორატორიას ქმნის და მომხმარებლისთვის უმაღლესი ხარისხის, ჯანსაღი პროდუქტების მისაწოდებლად ხარისხის კონტროლის სტანდარტებს სრულჰყოფს.
აღნიშნულთან დაკავშირებით, 12:00 საათზე რუსთაველის გამზირზე მდებარე სუპერმარკეტი "სმარტი" მედია ტურს მართავს ჟურნალისტებისათვის ახალი ლაბორატორიისა და „სმარტის" პროდუქტების ხარისხის კონტროლის სისტემების გასაცნობად.
მედია ტურს „სმარტის" სურსათის უვნებლობისა და ხარისხის კონტროლის სამსახურის უფროსი კახა მუხიგული და სურსათის უვნებლობის საერთაშორისო ექსპერტი მატი ლამპი უმასპინძლებს.
„სმარტის" ახალ ლაბორატორიაში 50-მდე მიკრობიოლოგიური ანალიზი ტარდება.
„ვისოლ ჯგუფმა" სუპერმარკეტების ქსელის „სმარტის" განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს ვაკეში, აღმაშენებლის ხეივნის მე-13 კილომეტრზე, რუსთაველის გამზირზე, ვაზისუბნის მეორე მიკრორაიონში, კახეთის გზატკეცილზე, გუდაურში, ბათუმში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.
