დღეს საჯარო სკოლებში სწავლის შესაძლო შეწყვეტის თაობაზე იმსჯელებენ. როგორც ჟურნალისტებთან ჯანდაცვის მინსიტრმა დავით სერგეენკომ განაცხადა, აღნიშნულთან დაკავშირებით ჯანდაცვის სამინისტროში 16:00 საათზე ჯანდაცვის, განათლების სამინისტროებისა და დაავადებათა კონტროლის ეროვნული ცენტრის წარმომადგენლების შეხვედრაა გაიმართება. თუმცა მინისტრის თქმით, ის ამ ეტაპზე საჯარო სკოლებში სწავლის შეწყვეტის აუცილებლობას ვერ ხედავს.
,,მაღალი საზოგადოებრივი ინტერესიდან გამომდინარე დღეს დავგეგმეთ ერთობლივი კონსულტაციები განათლების სამინისტროსთან, ჯანდაცვის სამინისტროსთან და დაავდებათა ეროვნულ ცენრტთან. ვიმსჯელებთ იმის შესახებ რა იქნება ოპტიმალური გამოსავალი, ანუ რამდენად მიზანშეწონილი იქნება ახლა სწავლის პროცესის გაჩერება, რა ჩვენებები გვაქვს და რა ინდიკატორები გვაქვს ამისთვის. ", - განაცხადა სერგეენკომ.
