აჭარის მთავრობა სამაცივრე მეურნეობის მოწყობისთის ინვესტორს ეძებს. ამ მიზნით, აჭარის ეკონომიკისა და მდგრადი განვითარების სამინისტრომ აუქციონზე ბათუმში, ჯავახიშვილის ქუჩა 76ა-ში მდებარე 357,1 კვ.მ შენობა-ნაგებობა და მასზე მიმაგრებული 1198 კვ.მ არასასოფლო-სამეურნეო დანიშნულების მიწის ნაკვეთი, განმეორებით, 20%-იანი ფასდაკლებით, პირობებიან ელექტრონული აუქციონზე გამოიტანა. ობიექტის საწყისი ღირებულება 200 ათასი ლარია და მისი გასხვისება 22 მაისისთვის ჩანიშნულ აუქციონზე იგეგმება.
პირობების მიხედვით, ინვესტორი ვალდებულია ხელშეკრულების გაფორმებიდან 14 თვის ვადაში საკუთრებაში გადაცემულ მიწის ნაკვეთზე სამაცივრე მეურნეობა მოაწყოს და ასევე აღნიშნულ პროექტში არანაკლებ 800 ათასი ლარის ინვესტიციის განახორციელოს. პირობების მიხედვით, ინვესტორს სამაცივრე მეურნეობისთვის პროფილის შენარჩუნება 10 წლით ევალება.
