,,საქართველოს ახალგაზრდა კონსტიტუციონალისტთა ასოციაცია" ბავშვთა და ახალგაზრდობის განვითარების ფონდის" საგრანტო კონკურსის ფარგლებში, ახალი პროექტის "სტაბილური კონსტიტუცია - ახალგაზრდული არჩევანი" გახორციელებას იწყებს.
პროექტის მიზანია, საქართველოს 9 რეგიონში მცხოვრები ახალგაზრდების ქვეყანაში მიმდინარე საკონსტიტუციო რეფორმაში ჩართვა.
პირველ ეტაპზე მოხდება მათი კონსტიტუციის არსთან დაკავშირებით ცნობიერების ამაღლება, ხოლოდ მეორე ეტაპზე კი საკონსტიტუციო რეფორმის პროცესში მათი უშუალო ჩართულობა. აღნიშნული რეგიონებიდან ახალგაზრდებით დაკომპლექტებული ინტერრეგიონალური ჯგუფი შეირჩევა, რომელიც სამი დღით თბილისში ჩამოვა. მათ საშუალება მიეცემათ სხვადასხვა კომპლექსურ ღონისძიებებში მონაწილეობა მიიღონ. ასევე გაიმართება საკონსტიტუციო კომისის წევრებთან შეხვედრა და მოეწყობა მრგვალი მაგიდა.
პროექტის განხორციელების შედეგად, საქართველოს მაღალმთიან და ეკონომიკურად ნაკლებად განვითარებულ რეგინებში მცხოვრები 500-მდე ახალგაზრდა ტრენინგ-სემინარების მეშვეობით კონსტიტუციასა და სამართლის ზოგად პრინციპებთან დაკავშირებით ცოდნას აიმაღლებს, რაც თავის მხრივ მათი სამოქალაქო ჩართულობის ხარისხს საკმაოდ გაზრდის.
ასოციაციას მიაჩნია, რომ პროექტის ფარგლებში შექმინილი ინტერრეგიონალური ჯგუფის ჩართულობა ქვეყანაში მიმდინარე კონსტიტუციური რეფორმის პროცესში ძალიან მნიშვნელოვანია. მათი მეშვეობით, აღნიშნულ რეფორმაში მოხდება ახალგაზრდების პოზიციების დაფიქსირება, რაც ერთ-ერთი აუცილებელი ელემენტია ქვეყნის ძირითადი კანონის სულყოფილი სახით შემუშავებისთვის.
მასალის გამოყენების პირობები