ევროკავშირთან ასოცირების შეთანხმების ეკონომიკური ნაწილი შემოდგომიდან შევა ძალაში.
აღნიშნულთან დაკავშირებით, საქართველოში ევროკავშირის წარმომადგენლობის ხელმძღვანელის მოადგილე ბორის იაროშევიჩმა ჟურნალისტებს განუცხადა.
მისი თქმით, ჩვენ ვუახლოვდებით დღეს, როდესაც საქართველო და ევროკავშირი ხელს მოაწერენ ასოცირების ხელშეკრულებას.
"ეს ნიშნავს, რომ ვაჭრობის ნაწილი სავარაუდოდ, ძალაში შევა უკვე 1 ოქტომბრიდან, ან 1 ნოემბრიდან. საქართველო უნდა იყოს მზად ამისთვის. რა თქმა უნდა, შედეგი და გავლენა დაუყოვნებელი არ იქნება, მაგრამ მე უკვე ვხედავ დიდ ინტერესს პოტენციური ინვესტორების, რომ მიიღონ სარგებელი ღრმა და ყოვლისმომცველი თავისუფალი ვაჭრობის შესახებ შეთანხმებიდან", - განაცხადა ბორის იაროშევიჩმა.
