"ერთიანი ნაციონალური მოძრაობა" წინასაარჩევნო პერიოდში პარტიის წარმომადგენლების მიმართ ზეწოლის შესახებ უწყებათაშორისი კომისიის სხდომაზე დღესაც ისაუბრებს.
როგორც "ნაციონალური მოძრაობის" წარმომადგენელმა აღნიშნულ კომისიაში ზურაბ ჭიაბერაშვილმა ჟურნალისტებს განუცხადა, პარტიის გამგებლობის ორი კანდიდატი კვლავ პატიმრობაშია და რამდენიმე ადამიანი ამ საარჩევნო პროცესში კვლავ რეგულარულად დადის სასამართლო სხდომებზე.
"ეს ბუნებრივია, გავლენას ახდენს ჩვენს საარჩევნო კამპანიაზე", - აღნიშნა ზურაბ
ჭიაბერაშვილმა უწყებათაშორისო კომისიის სხდომის დაწყების წინ.
ამასთან, ჭიაბერაშვილის თქმით, არასამთავრობო ორგანიზაციებიც მიუთითებენ, რომ ბოლო პერიოდში გახშირდა ადმინისტრაციული რესურსის გამოყენების შემთხვევები და იგი უწყებათაშორისი კომისიის სხდომაზე ამ საკითხსაც დასვამს.