შინაგან საქმეთა მინისტრის, ალექსანდრე ჭიკაიძის განცხადებით, დარიალის ხეობაში მეწყერის გამეორების საფრთხე ამ ეტაპზე არ არსებობს.
როგორც ჭიკაიძემ ჟურნალისტებს განუცხადა, მყინვარი გეოლოგების, მთამსვლელების და მაშველების დაკვირვების ქვეშ არის.
მინისტრის თქმით, გუშინ მთელი ღამის განმავლობაში იყო დაგეგმილი მუშაობა, თუმცა უამინდობის გამო, ეს ვერ მოხერხდა და სამუშაოები დილით, 06:00 საათიდან განახლდა.
"იჭრება ახალი არხი, სადაც მოხდება წყლის მიმართულების გადაგდება. ასევე ჩვენი მაშველების, გეოლოგებისა და ალპინისტების დაკვირვების ქვეშაა მყინვარი და ის ამ დროისთვის მორიგ საფრთხეს არ წარმოადგენს", - განაცხადა ჭიკაიძემ.
მისივე თქმით, სამუშაოები აქტიურად გრძელდება.