საქართველოს გაეროს ადამიანის უფლებათა უმაღლესი კომისარი ნავი პილაი ეწვევა.
ნავი პილაის ვიზიტი 18-22 მაისს გაიმართება, რომლის მიზანი ქვეყანაში არსებული ადამიანის უფლებათა მდგომარეობის განხილვა.
დაგეგმილია ნავი პილაის შეხვედრები პრეზიდენტთან, პრემიერ-მინისტრთან, საგარეო საქმეთა მინისტრთან, იუსტიციის მინისტრთან, შინაგან საქმეთა მინისტრთან, ასევე მთავრობის სხვა წევრებთან. ვიზიტის ფარგლებში ასევე დაგეგმილია შეხვედრები უზენაესი სასამართლოს თავმჯდომარესთან, პარლამენტის თავმჯდომარესთან, სახალხო დამცველთან, სამოქალაქო საზოგადოების წარმომადგენლებსა და გაეროს ხელმძღვანელ პირებთან.
ვიზიტის განმავლობაში, ნავი პილაი ეწვევა იძულებით გადაადგილებულ პირთა დასახლებებს და ადმინისტრაციულ სასაზღვრე ზოლს.
ვიზიტის დასრულების შემდეგ, ოთხშაბათს, 2014 წლის 21 მაისს, 17:00 საათზე გაიმართება უმაღლესი კომისრის პრესკონფერენცია სასტუმროში "რადისონ ბლუ ივერიაში".