"შეწყალების საკითხთა კომისიის შექმნის შესახებ" პრეზიდენტის ბრძანებულებაში ცვლილება განხორციელდა, რომლის მიხედვით, კომისიის თავმჯდომარე ალეკო ელისაშვილი აღარ იქნება. ცვლილებების თანახმად, კომისია ძველი შემადგენლობით, ალეკო ელისაშვილის გარეშე გააგრძელებს მუშაობს. შეწყალების კომისიაში შედიან: უფლებადამცველი ლია მუხაშავრია, იურისტი თამარ ხიდაშელი, "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაური, მწერალი ბასა ჯანიკაშვილი, ჟურნალისტი ზვიად ქორიძე, ფსიქოლოგი თეა გოგოტიშვილი, მწერალი კონსტანტინე ჯანდიერი, სახალხო დამცველი უჩა ნანუაშვილი, მწერალი გივი შაჰნაზარი, მიტროპოლიტი თეოდორე ჭუაძე.
პრეზიდენტის ადმინისტრაციის განმარტებით, ელისაშვილს უფლებამოსილება ადგილობრივი თვითმმართველობის არჩევნებში კენჭისყრის გამო შეუწყდა. ჯერჯერობით უცნობია, ვინ იქნება შეწყალების სახელმწიფო კომისიის ახალი ხელმძღვანელი.
ალეკო ელისაშვილი 15 ივნისის ადგილობრივ არჩევნებში, საინიციატივო ჯგუფის სახელით საბურთალოს მაჟორიტარად იყრის კენჭს.
