საქართველოს კომუნიკაციების ეროვნულ კომისიაში დღეს ახალი თავმჯდომარე უნდა აირჩიონ. დარეგისტრირებული კი, მხოლოდ ერთი კანდიდატი, ვახტანგ აბაშიძეა. არჩევნების პროცესი ფარული კენჭისყრით ჩატარდება, საარჩევნო კომისია სულ 5 წევრისგან შედგება. ახალი თავმჯდომარე ხმათა უმრავლესობით აირჩევა. კომუნისკაციების ეროვნულ კომისიაში არჩევნების პროცესი საღმოს 18.00. საათზე დაიწყება.
კომუნისკაციების ეროვნული კომისიის პრეს-მდივნის ხატია ყურაშვილის განცხადებით, არჩევნების პროცესი გამჭვირვალე იქნება და დასწრება ნებისმიერ დაინეტერსებულ პირს შეეძლება.მისივე თქმით, კომისიის დანარჩენი ოთხი წევრის მსგავსად, ხმის მიცემა შეუძლია თავად არჩევნებში მონაწილე კანდიდატსაც.
"მაუწყებლობის შესახებ" კანონში 2013 წლის 9 ოქტომბერს ძალაში შესული ცვლილებების თანახმად, საქართველოს კომუნიკაციების ეროვნული კომისიის თავმჯდომარეს ირჩევს თავად კომისია, სრული შემადგენლობის უმრავლესობით სამი წლის ვადით.
კომისიის თავმჯდომარეს უფლება აქვს სურვილის შემთხვევაში, გადადგეს კომისიის თავმჯდომარის თანამდებობიდან, მაგრამ უფლებამოსილების ვადის ამოწურვამდე კომისიის წევრად დარჩეს (კომისიის წევრს საქართველოს პარლამენტის ექვსი წლის ვადით ირჩევს).
