საპარლამენტო უმრავლესობის ლიდერი და შავი ზღვის ქვეყნების ეკონომიკური თანამშრომლობის საპარლამენტო ასამბლეის (PABSEC) ვიცე-პრეზიდენტი დავით საგანელიძემ, თურქეთის სახელმწიფო ექსპოორტისა და იმპორტის განვითარების ბანკის-"EXIMBANK"-ის ხელმძღვანელებს შეხვდა.
შეხვედრას ესწრებოდნენ "EXIMBANK"-ის გენერალური დირექტორი ალადინ მეთინი, გენერალური დირექტორის მოადგილე ნესუთ გურსოი, ბანკის საერთაშორისო ურთიერთობების დეპარტამენტის ხელმძღვანელი კორაი ერდენი თურქეთის რესპუბლიკაში საქართველოს გენერალური კონსული ბატონი ირაკლი ასაშვილი.
შეხვედრისას მხარეებმა საქართვლო-თურქეთის სავაჭრო ურთიერთობები და საქართველოში განსახორციელებელი საინვესტიციო პროექტები განიხილეს.
„EXIMBANK"-ს ხელმძღვანელებმა ინტერესი გამოხატეს საქართველოში მიმდინარე მსხვილი პროექტების დაფინანსებში.
შეხვედრაზე მხარეებმა ასევე განიხილეს საქართველოს მთავრობის მიერ პარლამენტში ინიცირებული „საქართველოს განვითარების ბანკის" კანონპროექტი.
„EXIMBANK"-ის ხელმძღვანელების მიერ მოწონებული იქნა მთავრობის აღნიშნული ინიციატივა, რადგან, მათი აზრით ასეთი ტიპის ბანკი მნიშვნელოვნად ხელს შეუწყობს საქართველოში მრავალი პერსპექტიული დარგის განვითარებას.
„EXIMBANK"-ის წარმომადგენლებმა მზადყოფნა გამოთქვეს საქართველოს განვითარების ბანკის ტექნიკურ დახმარებაში და კადრების მომზადებაში.
თავის მხრივ დავით საგანელიძემ მადლობა გადაუხადა ბანკის წარმომადგენლებს საქმიანი შეხვედრისთვის, საინტერესო რეკომენდაციებისთვის და იმედი გამოთქვა, რომ მათი მხარდაჭერა მნიშვნელოვნად დაეხმარება საქართველოს განვითარების ბანკს ფინანსების მოზიდვაში და წარმატებულ საქმიანობაში.
შეხვედრაზე თანამშრომლობის შემდგომი გაღრმავების მიზნით დაიგეგმა „EXIMBANK"-ის წარმომადგენლების ვიზიტი საქართველოში.