ამ დროისთვის ცენტრალურ საარჩევნო კომისიაში თბილისის მერობის 10 კანდიდატია დარეგისტრირებული.
ცენტრალური საარჩევნო კომისიის ინფორმაციით, მერობის კანდიდატად დარეგისტრირებული არიან: "უფლის სახელით - უფალია ჩვენი სიმართლე" - მიხეილ სალუაშვილი; "მომავალი საქართველო" - გიორგი ლაღიძე; "შალვა ნათელაშვილი - საქართველოს ლეიბორისტული პარტია" - ასმათ ტყაბლაძე; "გიორგი გაჩეჩილაძე - მწვანეთა პარტია" - გიორგი გაჩეჩილაძე; "საქართველოს მშრომელთა საბჭო" - როინ ლიპარტელიანი; "ნინო ბურჯანაძე - ერთიანი ოპოზიცია" - დიმიტრი ლორთქიფანიძე; "ირაკლი ღლონტი - რეფორმატორები" - ირაკლი ღლონტი; "არასაპარლამენტო ოპოზიცია"(კახა კუკავა, ფიქრია ჩიხრაძე) - კახა კუკავა; საარჩევნო ბლოკი "ქართული ოცნება" - დავით ნარმანია; "მერაბ კოსტავას საზოგადოება" - გიორგი ლილუაშვილი.
დღეს, 17:00 საათზე ცესკო-ში განაცხადი შეიტანა საგარეო საქმეთა ყოფილმა მინისტრმა, სალომე ზურაბიშვილმა. პარტია "საქართველოს გზის" სახელით თბილისის თვითმმართველობის არჩევნებში მერის კანდიდატურაზე თეიმურაზ მურვანიძის განაცხადი წარადგინა.
