სასჯელაღსრულების და პრობაციის მინისტრმა სოზარ სუბარმა გადადგომის შესახებ განცხადება სამჯერ დაწერა.
ამის შესახებ მინისტრმა მთავრობის დღევანდელი სხდომის შემდეგ ჟურნალისტებს განუცხადა. როგორც სუბარმა აღნიშნა, მან თანამდებობიდან გათავისუფლების თხოვნით ბიძინა ივანიშვილს ორჯერ, მესამედ კი, ირაკლი ღარიბაშვილს მიმართა.
"მე პირადად ორჯერ მივმართე ბიძინა ივანიშვილს მისი პრემიერ-მინისტრობის დროს გადადგომის თხოვნით და ერთხელ ამჟამინდელ პრემიერ ირაკლი ღარიბაშვილს", - განაცხადა სოზარ სუბარმა.
კითხვაზე, თუ როდის მიმართა მან გადადგომის თხოვნით ღარიბაშვილს, სუბარმა განაცხადა, რომ ეს დიდი ხნის წინ მოხდა.
