დღეს, 16 მაისს, 12:00 საათზე, იუსტიციის სამინისტროში ელექტრონული მმართველობის განვითარების ხელშემწყობი სახელმწიფო კომისიის ფარგლებში შექმნილი სამუშაო ჯგუფების მორიგი შეხვედრა გაიმართება. შეხვედრაზე ჯგუფის წევრები რომლებიც სხვადასხვა სახელმწიფო უწყების ინფორმაციულ საკომუნიკაციო მიმართულებას კურირებენ, სხვა საკითხებთან ერთად, იმსჯელებენ საერთო გამოყენების ინფრასტრუქტურის ეგრეთ წოდებული ღრუბლოვანი ტექნოლოგიის განვითარების შესახებ. ეს არის სისტემა, რომელიც უზრუნველყოფს სხვადასხვა უწყებაში განთავსებული ინფორმაციისა და მონაცემების ელექტრონულ ფორმატში ხელმისაწვდომობას.
მასალის გამოყენების პირობები
