ჯერჯერობით უცნობია რა ბრალდებას უყენებენ დაკავებულს, თუმცა, პარტიაში აცხადებენ, რომ მაჟორიტარობის კანდიდატი და საარჩევნო სიის პირველი ნომერი გოგო წულაია, საპატრულო პოლიციამ უმიზეზოდ დააკავა.

როგორც "ჯი-ეიჩ-ენ"-ს "არასაპარლამენტო ოპოზიციაში", განუცხადეს, გოგი წულაია ავტომანქანით მოძრაობისას ქუთაისში გადაკეტილ გზაზე მოხვდა. გზის გადაკეტვის მიზეზის გასაგებად მანაქანიდან გადმოვიდა და როდესაც პოლიციელს მიუახლოვდა, იმ მომენტში მოხდა მისი დაკავება.

"არასაპარლამენტო ოპოზიციის" წევრმა ალექსანდრე შალამბერიძემ "ჯი-ეიჩ-ენთან" საუბარში განაცხადა, რომ გოგი წულაიას, რამდენიმე საათის განმავლობაში საღორიას ტყეში აწამებდნენ და ბრალის წაყენების მიზნით დაკავებული ამ დრომდე სასამართლოში მიყვანილი არ არის.

მისივე თქმით, იმის გამო, რომ გოგი წულაია დეპუტატობის კანდიდატია, პოლიციის ქმედება საარჩევნო პროცესისთვის ხელის შეშლად განიხილება, რომელშიც სამართალდამცავი ორგანიები მონაწილეობენ.

"ქართული ოცნება" "ნაციონალური მოძრაობის" მეთოდებს იყენებს და არასასურველი ოპონენტებისთვის ბრალის შესათითხნად ადამიანების წამებაზე გადავიდა. ჩვენ ამას არ შევარჩენთ, - განაცხადა შალამბერიძემ.

აღნიშნულ საკითხთან დაკავშირებით საგანგებო ბრიფინგს „არასაპარლამენტო ოპოზიციის" ლიდერები რამდენიმე საათში გამართავენ.