თურქეთში მაღაროში მომხდარი აფეთქებისა და ხანძრის შედეგად სულ მცირე 201 ადამიანი დაიღუპა. ასობით მაღაროელი ამჟმადაც ნანგრევებს ქვეშ არის მოყოლილი. ინფორმაციას ამის შესახებ „ბი-ბი-სი" ავრცელებს.
ტრაგედია ქალაქ სომასთან, მანისას პროვინციაში მოხდა. ეს ადგილი სტამბულიდან დაახლოებით 250 კმ. დაშორებით მდებარეობს.
თურქეთის ენერგეტიკის მინისტრი ტანერ ილდიზი აცხადებს, რომ აფეთქების მიზეზი მოკლე ჩართვა გახდა. აფეთქების დროს მაღაროში 787 ადამიანი იმყოფებოდა.
მაშველებს მთელი ღამის განმავლობაში ამოჰყავდათ ნანგრევებში მოყოლილი მუშები. მაღაროს შესასვლელში ამჟამად მაღაროელთა ნათესავები არიან შეკრებილი.
მინისტრის თქმით, ამჟამად ცნობილია მხოლოდ 360 მაღაროელის ბედი. ამ ციფრში შედიან დაღუპულებიც. მაღაროელთა უმრავლესობა გაზით გაგუდვის შედეგად არის დაღუპული. მისივე თქმით, მაშველები მაღაროში ჟანგბადს ქაჩავენ იმისათვის რათა ნანგრევებში მოყოლილი მუშები გადაარჩინონ.
თავად მაღაროელები აცხადებენ, რომ მაღაროში ხანძარი ამჟამადაც გრძელდება.
მასალის გამოყენების პირობები
