ჩინეთსა და ოკუპირებულ აფხაზეთს შორის თანამშრომლობის ასევე სოფლის მეურნეობის სფეროში თანამშრომლობის გაღრმავების საკითხში წინადადებები წარმოდგენილი იყო აფხაზეთის ე.წ. საგარეო საქმეთა მინისტრის ვიაჩესლავ ჩირიბასა და ჩინეთის სახალხო რესპუბლიკაში ე.წ. აფხაზეთის წარმომადგენელს გე ჩჟილს შორის გამართულ შეხვედრაზე. ინფორმაციას ამის შესახებ აფხაზეთის ე.წ. საგარეო საქმეთა სამინისტრო ავრცელებს.
„აზია-წყნარი ოკეანის რეგიონში მუშაობა საგარეო საქმეთა სამინისტროს ერთ ერთ ყველაზე უფრო მნიშვნელოვან მიმართულებად რჩება. კერძოდ, ჩინეთის სახალხო რესპუბლიკაში პირველ ეტაპზე დგას ბიზნესისა და ინვესტიციების მოზიდვის სფერო, სტუდენტების გაცვლა, ერთაბრივი სამეცნიერო კონფერენციები და ეს ყველაფერი შეიძლება გახდეს კარგი ბაზა უფრო მჭიდრო კავშირების დასამყარებლად",_ განაცხადა ჩირიკბამ.
შეხვედრისას ასევე განიხილეს აფხაზეთის ე.წ. საგარეო საქმეთა სამინისტროს მუშაობის ოპტიმიზაცია რეგიონში მდებარე თავისი ე.წ. წარმომადგებლობების მეშვეობით.
შეგახსენებთ, რომ მიმდინარე წლის დასაწყისში აფხაზეთში ჩინელი ბიზნესმენები იმყოფებოდნენ.