უამინდობის გამო თბილისის საგანგებო სიტუაციების მართვის სამსახურში 70-მდე შეტყობინება შევიდა. თუმცა როგორც უწყებაში ,,ჯი-ეიჩ-ენს" განუცხადეს შემთხვევის დროს არავინ დაშავებულა.
,, 70-მდე შეტყობინება შემოვიდა, თუმცა არც ერთი სერიოზული არ იყო. იუსტიციის სახლის წინ ხე წაიქცა, თუმცა არავინ დაშავებულა, ასევე ერთ-ერთი საცხოვრებელი სახლის პირველი სართული დაიტბორა და ბავშვები კუს ტბის ტერიტორიაზე მთაზე იყვნენ ასულები და ჩამოსვლას ვერ ახერხებდნენ. სხვა მნიშვნელოვანია შეტყობინება არ დაფიქსირებულა", _აცხადებენ თბილისის საგანგებო სიტუაციების მართვის სამსახურში.
შეგახსენებთ, რომ წვიმა და ელჭექი საქართველოს მთელს ტერიტორიაზე ხვალაც შენარჩუნდება.
