თბილისის მერობის კანდიდატმა ნიკა მელიამ დღეს, მაჟორიტარობის კანდიდატებთან ერთად, ქალაქში არსებულ პარკირების პრობლემებზე ისაუბრა. მისი თქმით მოსახლეობას აღნიშნული პრობლემა ძალიან აწუხებს, რადგან ქალაქში სატრანსპორტო საშუალებების რაოდენობის მნიშვნელოვნად ზრდის გამო, საკმაოდ რთულია პარკირების საკითხის გადაჭრა.
ნიკა მელია პრობლემის ერთადერთ მოგვარების გზად, დედაქალაქის სხვადასხვა რაიონში მიწისქვეშა პარკინგების მშენებლობასა და მოწყობას მიიჩნევს. მისი მერად არჩევის შემთხვევაში კი მერობის კანდიდატი თბილისელებს აღნიშნული პრობლემის მოგვერებას სთავაზობს და ამბობს, რომ მას ამის შესახებ სხვადასხვა პროექტი უკვე მომზადებული აქვს. თბილისის მერობის კანდიდატმა ასევე იმ მუნიციპალური ტრანსპორტით მგზავრობის ღირებულების გაიაფების გეგმაზე ისაუბრა, რომელიც მისი მერად არჩევის შემთხვევაში ამოქმედდება.
სტუდენტი, პენსიონერი, პედაგოგი და სოციალურად დაუცველი მოსახლეობა უფასოდ იმგზავრებენ, ხოლო სხვა დანარჩენი თბილისელები 50 თეთრის ნაცვლად, მეტროსა და ავტობუსში 20 თეთრს გადაიხდის, რაც მნიშნელოვანი შეღავათია მოსახლეობისთვის.