„თიბისი ბანკის" აქციები მალე ლონდონის საფონდო ბირჟაზე განთავსდება. როგორც Financial Times იუწყება, "თიბისი ბანკი" ლონდონის საფონდო ბირჟაზე აქციების განთავსებას აპირებს. IPO -ს სავარაუდოდ მიმდინარე წლის მეორე კვარტალში იგეგმება. გამოცემის ინფორმაციით, აქციების რეალიზებიდან ბანკი დამატებითი კაპიტალის სახით დაახლოებით 100 მლნ დოლარს მიიღებს.
უკვე ცნობილია, რომ გარიგებაში მონაწილეობას არ აპირებენ ბანკის დამფუძნებელი აქციონერები, ბიზნესმენები: მამუკა ხაზარაძე და ბადრი ჯაფარიძე.
სავარაუდოდ, მათთვის და მენეჯმენტისთვის იარსებებს lock -up 360 დღიანი პერიოდით. ამ დროის განმავლობაში იკრძალება საკუთარი პაკეტიდან აქციების გაყიდვა. აქციონერებისთვის კი 180 დღიანი შეზღუდვა დაწესდება.
გარიგების ორგანიზებას კოორდინაციას Barclays და UBS გაუწევენ. რაც შეეხება „რენესანს კაპიტალს" ის კიდევ ერთი შუამავალი იქნება, ხოლო ბრიტანული ინვესტბანკი Peel Hunt კი - პროცესის თანამენეჯერი .
აღსანიშნავია, რომ „თიბისი ბანკი" საქართველოდან უკვე მეორე ბანკია, რომელიც ლონდონის ბირჟაზე საკუთარი აქციებით ვაჭრობას აპირებს. „საქართველოს ბანკი" ლონდონის საფონდო ბირჟაზე უკვე წლებია ივაჭრება .
აღსანიშნავია, რომ "თიბისი ბანკი" 1992 წელს დაფუძნდა და მისი აქციონერები არიან: EBRD, IFC, DEG, FMO, JP Morgan, Ashmore Funds და ქართველი კერძო პირები. "თიბისი ბანკი" ანაბრების ბაზარზე ლიდერ პოზიციაზეა და პირველი ქართული ბანკია, რომელსაც ISO ხარისხის სერთიფიკატი მიენიჭა. ასევე არის პირველი ქართული კომპანია, რომელსაც საერთაშორისო რეიტინგი მიენიჭა. "თიბისი ბანკი" წარმოდგენილია აზერბაიჯანის (TBC Kredit) და ისრაელის (TBC Invest) ბაზრებზე.
"თიბისი ბანკი" არის წლის საუკეთესო ბანკი საქართველოში - Financial Times Group-ის ჟურნალ Jurnal The Banker-ის მიხედვით, ასევე წლის საუკეთესო ბანკი საქართველოში - ჟურნალ Euromoney-ის მიხედვით. ბანკს Fitch Ratings-გან მინიჭებული აქვს: B + and B, Moody's-გან კი - B 1 and Ba 3.
ასევე Global Finance Awards: 1. Best Integrated Internet Bank Site; 2. Best Bill Payment & Presentmen.
