1992-1993 წლებში შეიარაღებული კონფლიქტის შედეგად დაღუპულ მეომართა გადმოსვენების შესახებ ქართულ-აფხაზური მოლაპარაკებები პოზიტიური შედეგით დასრულდა. რა როლი შეასრულა ხელისუფლებამ და როდის დაიწყება ეს პროცესი ამ საკითხზე, პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარეს საპარლამენტო ფრაქცია `ქართული ოცნების~ ლიდერი გიორგი ვოლსკი გაზეთ "პრემიერთან" საუბარში აცხადებს, რომ რაც წითელი ჯვარი მოლაპარაკების პროცესში აქტიურად ჩაერთო, საქართველოს ხელისუფლებამ მოახერხა და ამ ჰუმანიტარულ თემას `პოლიტიკური შეფერილობა~ ჩამოაშორა, რის შემდეგ აფხაზეთის დე ფაქტო ხელისუფლების წარმომადგენლები პოზიტიურად განეწყვნენ.
"მთავარი ის არის, რომ აფხაზებსაც, ოსებსაც და ქართველებსაც ძალიან კარგად ესმით, რომ მომავალში ჩვენს შვილებს ერთ სივრცეში მოუწევთ ცხოვრება", - აცხადებს ვოლსკი.
რაც შეეხება კონკრეტულად რა ადგილიდან მოხდება ცხედრების გადმოსვენება და რამდენ ხანს გაგრძელდება ეს პროცესი, ვოლსკი აცხადებს, რომ საუბარია ბაბუშერას სამარხზე, რომელიც გაიხსნება, ჩატარდება ლაბორატორიული სამუშაოები, რის შემდეგაც დაიწყება გადმოსვენების პროცესი.
"ხაზგასმით მინდა აღვნიშნო, ნურავინ შეეცდება ამ თემით პოლიტიკური სპეკულაციის დაწყებას. ეს არ არის ორმხრივი ურთიერთობის ელემენტი, არამედ არის წითელი ჯვრის ფორმატში მიღწეული შეთანხმება. პროცესს თუ განზრახ არ შეუშალეს ხელი, გაგრძელდება მანამ, სანამ ცნობილია ეს სამარხები და ის ადამიანები, ვინც საომარი მოვლენების დროს დაიკარგნენ. ქართულ მხარესაც არის გარკვეული სამარხები, სადაც მოიაზრება, რომ აფხაზი მეომრები არიან დაკრძალული. შეიძლება დიღმის ძმათა სასაფლაოზეც აღმოჩნდეს არა მხოლოდ ქართველი, არამედ აფხაზი მეომრების ნეშტები", - აცხადებს ვოლსკი.
