დღეს, 13 მაისს მახათას მთაზე, ივერიის ღვთისმშობლის ხატის სახელობის მშენებარე ტაძარში პირველი წირვა აღევლინება.
საღვთო ლიტურგიას საქართველოს კათოლიკოს-პატრიარქი, უწმინდესი და უნეტარესი ილია მეორე 11:00 საათზე აღავლენს.
აღნიშნულთან დაკავშირებით, 7:00 საათიდან მახათას მიმართულებით ვარდების რევოლუციის მოედნიდან, ხუდადოვის ქუჩის დასაწყისიდან და ვარკეთილის მეტროს მიმდებარე ტერიტორიიდან უფასო ავტობუსები იმოძრავებენ.
მახათაზე დაბრძანებული იქნება ამერიკიდან ჩამობრძანებული ივერიის ღვთისმშობლის სასწაულმომქმედი, მირონმდინარე ხატი და მრევლს მთელი დღის განმავლობაში ხატთან მიახლების საშუალება მიეცემა.
