ე.წ. მუხროვანის ამბოხების საქმეზე დაკავებული შინაგან საქმეთა სამინისტროს კონტრდაზვერვის დეპარტამენტის ყოფილ უფროსის ლევან ტაბიძეს ადვოკატმა საქალაქო სასამართლოს გადაწყვეტილება სააპელაციოში გაასაჩივრა.
ადვოკატი მისი დაცვის ქვეშ მყოფისთვის პატიმრობის ნაცვლად გირაოთი გათავისუფლება ითხოვს.
სააპელაციო სასამართლომ სარჩელი 72-საათიან ვადაში უნდა განიხილოს.
შინაგან საქმეთა სამინისტროს კონტრდაზვერვის დეპარტამენტის ყოფილ უფროსს ლევან ტაბიძეს საქალაქო სასამართლოს გადაწყვეტილებით, აღმკვეთ ღონისძიებად პატიმრობა შეეფარდა.
ადვოკატმა ვლადიმერ გაბრიჩიძემ სასამართლოს შუამდგომლობით მიმართა, რომ მისი დაცვის ქვეშ მყოფი 20 000-ლარიანი გირაოს სანაცვლოდ გაენთავისუფლებინათ, თუმცა მოსამართლემ პროკურორის შუამდგომლობა არ დააკმაყოფილა.
პროკურატურამ შს-ს კონტრდაზვერვის დეპარტამენტის დირექტორის ყოფილი მოადგილე ლევან ტაბიძე წამებისა და თავისუფლების უკანონო აღკვეთის ფაქტზე დააკავა.
