„ვისოლ ჯგუფმა" „ვენდი 2014" ექვსთვიანი კონკურსის შედეგად გამოავლინა და თაკო კოსტავა, ჟღალთმიანი 18 წლის გოგონა 2014 წლის მანძილზე ამერიკული რესტორნების ქსელის „ვენდის" სახე იქნება და კომპანიის მიერ ორგანიზებულ კორპორატიულ და საქველმოქმედო აქციებში მიიღებს მონაწილეობას. „ვენდი 2014" „ვენდის" საერთაშორისო ვიცე-პრეზიდენტმა ჯონ პეინმა დააჯილდოვა.
„წლის ვენდის შერჩევის იდეა „ვენდის" ბრენდის ისტორიიდან გამომდინარე გაჩნდა. კომპანიის დამფუძნებელმა დევიდ ტომასმა საკუთარი რესტორნების ქსელის სახელწოდებად თავისი ჟღალთმიანი შვილის სახელი - ვენდი შეარჩია და კომპანიის ლოგოტიპიც სწორედ ვენდის ბავშვურ და ხალისიან სახეს ასახავს. ამერიკაში ვენდი ტომასი კომპანიის სახეა და დღესაც იგი მამის დაფუძნებულ საქველმოქმედო ორგანიზაციას ხელმძღვანელობს. შესაბამისად, ჩვენ ვგეგმავთ რომ „წლის ვენდი" ტრადიციულ კონკურსად ვაქციოთ და საინტერესო სიურპრიზები შევთავაზოთ მომხმარებელს", აცხადებს „ვენდის" მარკეტინგის დირექტორი სოფო ჩოგოვაძე.
კონკურსი „ვენდი 2014" 2013 წლის 4 დეკემბერს დაიწყო და 600 ჟღალთმიანი გოგო იბრძოდა წლის ვენდის ტიტულის მოსაპოვებლად. 14 შერჩეული კანდიდატიდან
„ვენდი 2014"-ის გარდა, ყველაზე მხიარული, კრეატიული, ენერგიული, მომღიმარი, აკადემიური, მეოცნებე, მოდური, არტისტული, ექსტრემალი, კომუნიკაბელური და მეგობრული ვენდი დააჯილდოვეს.
კონკურსი "ვენდი 2014" ორი ეტაპისგან შედგებოდა. პირველ ეტაპზე 600 ჟღალთმიანი გოგონადან 14 აპლიკაციებისა და ფოტოსურათების მეშვეობით შეირჩა. კონკურსში მონაწილე გოგონების შერჩევა ვენდისთანვიზუალურიმსგავსების გარდა, მათი ხასიათის თანხვედრასაც ითვალისწინებდა. მეორე ეტაპზე შერჩეულმა კანდიდატებმა სხვადასხვა სახალისო დავალება შეასრულეს.
„ვენდი 2014"-ის დაჯილდოებაზე ჯგუფი „დილა როას" ახალი კლიპის პრეზენტაციაც მოეწყო, რომელიც „ვენდის" მომხმარებლების „ფეისბუქ" კომენტარებით შეიქმნა და კონკურსანტი გოგონებისა და „ვენდის" რესტორნის თანამშრომლების მონაწილეობითაა.
„ვენდის" ამერიკული რესტორნების ქსელის განვითარება „ვისოლ ჯგუფმა" 2013 წელს დაიწყო და დღეს „ვენდის" ორი ყველაზე დიდი რესტორანი მსოფლიოში, თბილისში, რუსთაველის გამზირზე და ვაკეში, სამების ტაძრის გვერდით მდებარეობს. „ვისოლ ჯგუფი" მომავალი 10 წლის მანძილზე „ვენდის"25რესტორანს გახსნის საქართველოსა და აზერბაიჯანში. „ვენდი" მსოფლიოში ერთ-ერთი ყველაზე მსხვილი ამერიკული რესტორნების ქსელია, რომელიც მოიცავს 6,500-ზე მეტ რესტორანს შეერთებულ შტატებსა და 27 სხვა ქვეყანაში.