აშშ სახელმწიფო დეპარტამენტის წარმომადგენელი ვიქტორია ნულანდი აცხადებს, რომ მოსკოვი უკრაინის აღმოსავლეთ ნაწილში ყირიმის სცენარს იმეორებს. მისივე თქმით, ის უკრაინის აღმოსავლეთ ნაწილის ანექსიას გეგმავს და იგივე სცენარს იყენებს რასაც ყირიმში. განცხადებები ამის შესახებ ვიქტორია ნულანდრმა სენატში გააკეთა.
„მოვლენები სლავიანსკსა და ოდესაში ყირიმის სცენარის მიხედვით ვითარდება: თავდაპირველად ხდება საპროტესტო გამოსვლების ორგანიზება იმ რეგიონებში სადაც ჯერ კიდევ ორი თვის წინ სიმშვიდე იყო. შემდეგ ხდება ადგილობრივი მოსახლეობის დაშინება და ორ კვირაში ტარდება ყალბი რეფერენდუმი, ისეთივე როგორიც დანიშნულია 11 მაისს ე.წ. დონეცკისა და ლუგანსკის სახალხო რესპუბლიკებში",_ განაცდადა ნულანდმა და აღნიშნა, რომ ყირიმში - შემდეგ ნაბიჯი რუსი „სამშვიდობოების" მისვლა იყო, იმ საბაბით, რომ დაეცვათ „ადგილობრივი მოსახლეობის ნების გამოხატვა".
"რუსული სამხედრო ინტერვენცია საერთაშორისო კანონმდებლობის უხეში დარღვევაა და რუსეთი ვერავის მოატყუებს იმი, რომ თავის ჯარს სამშვიდობოებს უწოდებს",_ განაცხადა მან.
ნულანდმა ასევე აღნიშნა ისიც, რომ აშშ ყოველმხრივ ხელს უწყობს უკრაინაში დაგეგმილი ვადამდელი საპრეზიდენტო არჩევნების ჩატარებას და მათ გამჭვირვალედ ჩასატარებლად 11 მილიონი აშშ დოლარია უკვე გამოყოფილი. ამას გარდა, მისივე თქმით, ეუთომ დამრვირვებელთა უპრეცედენტო რაოდენობა გამოყო - 1 ათასი დამკვირვებელი და ყოველი მეათე მათგანი აშშ-დან იქნება.