პრეზიდენტი გიორგი მარგველაშვილი ანტიდისკრიმინაციულ კანონპროექტს ეხმიანება და აცხადებს, რომ აღნიშნული კანონი მიღებული უნდა იქნეს. როგორც საკითხის კომენტირებისას პრეზიდენტმა საზოგადოებრივი მაუწყებლის ეთერში განაცხადა ანტიდისკრიმინაციული კანონი საზოგადოებას უფრო გააძლიერებს და გაამთლიანებს.
,,ამ კანონის მიღებით არავინ არ ზარალდება, ჩვენ ვხდებით ბევრად უკეთესი საზოგადოება, რადგან მეორე ადამიანის ჩაგვრა, გამოყოფა, გამოხშირვა აღარ იქნება, რაც აქამდეც ასე იყო კონსტიტუციით. შესაბამისად ბევრად უფრო გაძლიერდება და გამთლიანდება საზოგადოება. ამ კანონში არანაირი ქადაგება სექსუალური თემის არ არის. საერთოდ კანონები სექსუალურ საკითხს არ ქადაგებენ" _განაცხადა მარგველაშვილმა.