საქალაქო სასამართლოში თბილისის განვითარების ფონდიდან ხელფასებად დარიგებული თანხების საქმეზე გიგი უგულავას, დავით ალავიძის, ალექსი თაბუაშვილისა და დავით ავალიანის სასამართლო პროცესი 14 მაისს 11:00 საათზე განახლდება.
დღევანდელ პროცესზე კი ბრალდებულთა ვინაობა დადგინდა, ასევე დასვა კითხვა იმის თაობაზე მიმდინარეობს თუ არა ბრალდებულებთან მოლაპარაკება საპროცესო შეთანხმებასთან დაკავშირებით.
ამასთან დღევანდელ პროცესზე პროკურორებმა თბილისის მერიის მაღალჩინოსნების ადვოკატების გიორგი კონდახაშვილისა და ელენე ლაზარიაშვილის აცილების შუამდგომლობა დააყენეს, რადგან ისინი ამოძიების პროცესში იცავნდნენ როგორც ბრალდებულების, ასევე საქმეზე წარმოდგენილი მოწმეების ინტერესებს. თუმცა მათი მოთხოვნა მოსამართლემ არ დააკმაყოფილა.
შეგახსენებთ, რომ გამოძიება გიგი უგულავას სამსახურებრივი უფლებამოსილების გადამეტებით, ორგანიზებული ჯგუფის მიერ ,,თბილისის განვითარების ფონდიდან" დიდი ოდენობით თანხების გაფლანგვას ედავება.
