უკრაინისთვის თავს მოხვეული ომი პუტინის რეჟიმის დასასრული იქნება. არ გავჩერდები, ვიდრე მკვლელები მართლმსაჯულების წინაშე არ წარდგებიან, - აცხადებს უკრაინის პრეზიდენტობის კანდიდატის იულია ტიმოშეკო, საკუთარ ვებ-გვერდზე გამოქვეყნებულ განცხადებაში.
ტიმოშეკოს განცხადებით, რუსეთის სპეცსამსახურებმა გორლოვკაში სიკვდილამდე ცემეს უკრაინის პატრიოტი, "ბატკივშინას" დეპუტატი ვლადიმერ რიბაკი. ის, ისევე როგორც სხვა ბევრი, მოკლეს.
ყოფილი პრემიერი პუტინს, რომელიც უკრაინის წინააღმდეგ გამოუცხადებელ ომს აწარმოებს, არსებულ ვითარებაზე პირად პასუხისმგებელად მიიჩნევს.
"ჩვენ თქვენი იმპერიული ამბიციების წინააღმდეგ ვიბრძვით. უკრაინისთვის თავს მოხვეული ომი, თქვენი რეჟიმის დასასრული იქნება. ეჭვი არ შეგეპაროთ, ჩვენ გავიმარჯვებთ, თქვენი ხალხი კი ამ დანაშაულზე პასუხს აგებს. უკრაინა ერთიანი და მშვიდობიანი იქნება, დიდება უკრაინას!", - აცხადებს ტიმოშენკო.