პარლამენტის ვიცე-სპიკერი მანანა კობახიძე ყვარელში განვითარებულ მოვლენებთან დაკავშირებით აცხადებს, რომ კანონმა უნდა იმუშაოს ყველას მიმართ, იმის მიუხედავად, კანონდამრღვევი "ქართული ოცნების" წევრია თუ არა.
"თუკი კანონი ირღვევა და კანონის დარღვევაში გამგებელს აქვს მონაწილეობა მიღებული, რა თქმა უნდა, მმართველი გუნდისთვის გამონაკლისები არ არსებობს. ამ შემთხვევაში პასუხისმგებლობა დადგება ყველასი, იქნება ის მოქმედი, თუ ყოფილი გამგებელი. კანონის დარღვევის შემთხვევაში ნებისმიერი თანამდებობის პირი აგებს პასუხს, გატარდება შესაბამისი ზომები. არანაირი შერჩევა ამ შემთხვევაში არ მოხდება, კანონმა უნდა იმუშაოს ყველას მიმართ, იმის მიუხედავად პირი ქართული ოცნების წევრია თუ არა", - განუცხადა ჟურნალისტებს მანანა კობახიძემ.
სამართალდამცავებმა ყვარლის გამგებელი და კიდევ 17 მისი მომხრე დააკავეს. ყვრალის გამგებელს წვრილმანი ხულიგნობა ედება ბრალად.
