საქართველოს საგარეო საქმეთა მინისტრი მაია ფანჯიკიძე დღეს მალტის საგარეო საქმეთა მინისტრს, ჯორჯ ველას შეხვდა.
შეხვედრაზე განიხილეს ორ ქვეყანას შორის ორმხრივი და მრავალმხრივი ურთიერთობების აქტუალური საკითხები, მათ შორის, სავაჭრო-ეკონომიკური და კულტურულ-საგანმანათლებლო სფეროებში თანამშრომლობის განვითარების პერსპექტივები. განსაკუთრებული ყურადღება გაამახვილეს საქართველო-ევროკავშირის ურთიერთობებზე და ასოცირების შესახებ შეთანხმების დროული ხელმოწერის მნიშვნელობაზე.
საქართველოში ვიზიტის მალტის საგარეო საქმეთა მინისტრი შეხვედრებს გამართავს საქართველოს პრემიერ-მინისტრთან, პარლამენტის თავმჯდომარესთან და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრთან.
მასალის გამოყენების პირობები
