სოდ-ის ყოფილი უფროსის ერეკლე კოდუას ადვოკატი პროკურატურის გადაწყვეტილებას საკონსტიტუციო სასამართლოში გაასაჩივრებს.
ადვოკატის ოთარ კახიძის განცხადებით, ვალერი გელაშვილის საქმეზე მას უკვე გადაეცა საქმის მასალები და ხელწერილის ტექსტი, რომლის მიხედვითაც, ადვოკატს ეკრძალება გაასაჯაროვოს საქმეში არსებული ინფორმაცია.
კახიძის განმარტებით, ხელწერილს ხელი არ მოაწერა, რადგან პროკურატურის გადაწყვეტილება საქართველოს კონსტიტუციას და დაცვის უფლებას ეწინააღმდეგება.
ადვოკატი საქმის მასალებში არსებული დეტალების გამჟღავნებისგან თავს იკავებს, თუმცა აცხადებს, რომ საქმეში არსებული არც ერთი ფაქტი არ მიუთითებს ერეკლე კოდუას ბრალეულობაზე ბიზნესმენ ვალერი გელაშვილის საქმეში.
შეგახსენებთ, რომ სოდ-ის ყოფილ უფროს ერეკლე კოდუასა და ამავე დეპარტამენტის ექსმაღალჩინოსან გია სირაძეს ბრალი დაუსწრებლად გუშინ წაუყენეს. მათ გამოძიება სამსახურებრივი უფლებამოსილების გადამეტებას ედავება.