დღეს, 24 აპრილს საქართველოს პრეზიდენტი გიორგი მარგველაშვილი ჩეხეთის დედაქალაქ პრაღაში საერთაშორისო კონფერენციაზე "აღმოსავლეთ პარტნიორობა ხუთი წლის შემდეგ" სიტყვით გამოვა.
ასოცირების ხელშეკრულების ხელმოწერის საკითხი, უკრაინაში მიმდინარე მოვლენები, რეგიონში არსებული ვითარება და საქართველოს წინაშე არსებული გამოწვევები, - ეს ის საკითხებია, რომლებზეც პრეზიდენტი ყურადღებას გაამახვილებს.
ვიზიტის ფარგლებში, დაგეგმილია ორმხრივი შეხვედრებიც. გიორგი მარგველაშვილი 6 ქვეყნის პირველ პირს შეხვდება. ასევე, დაგეგმილია შეხვედრა ევროკომისარ შტეფან ფულესთან.
"აღმოსავლეთ პარტნიორობას" საფუძველი 5 წლის წინ ჩაეყარა და პირველი შეხვედრა პრაღაში შედგა.
ვიზიტი ორდღიანია და ის 25 აპრილს დასრულდება.
მასალის გამოყენების პირობები
