2014 წლის 23-24 აპრილს თბილისში შედგება გერმანიის ფედერაციული რესპუბლიკის და საფრანგეთის რესპუბლიკის საგარეო საქმეთა მინისტრების, ფრანკ-ვალტერ შტაინმაიერის და ლორან ფაბიუსის ერთობლივი ვიზიტი.
დაგეგმილია შეხვედრები საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან და საგარეო საქმეთა მინისტრთან.
შეხვედრებზე განხილულ იქნება საქართველოს ევროკავშირთან ასოცირების შეთანხმების ხელმოწერის საკითხები, ნატო-საქართველოს ურთიერთობები, ასევე უკრაინაში და ჩვენს რეგიონში მიმდინარე პოლიტიკური პროცესები.
გერმანელი და ფრანგი მინისტრების ერთობლივი ვიზიტი საქართველოს ევროპული და ევრო-ატლანტიკური მისწრაფებების მიმართ მტკიცე მხარდაჭერის ნათელი დადასტურებაა.
