დღეს, 23 აპრილს, 18:00 საათზე, თბილისის ისტორიის მუზეუმში ამერიკული დასავლეთის ამსახველი ფოტოების გამოფენა გაიხსნება.
გამოფენაზე წარმოდგენილი იქნება ამერიკის გეოგრაფიული საზოგადოების მე-19 საუკუნის მეორე ნახევრისა და მე-20 საუკუნის პირველი ნახევრის ამერიკული დასავლეთის ამსახველი 71 ფოტო.
გამოფენა იმართება საქართველოში ამერიკის კულტურის დღეების ფარგლებში და ორგანიზებულია ამერიკის საელჩოს ინიციატივით. გარდა გამოფენისა, კულტურის დღეების ფარგლებში, გაიმართება პოეზიის საღამოები, ამერიკული ფილმ-ნუარის ჩვენებები და კენედის ცენტრში მოღვაწე ჯაზ პიანისტის კონცერტები.
გამოფენა თბილისის ისტორიის მუზეუმში 30 აპრილამდე გასტანს.
