თეთნულდის სათხილამურო ტრასებისა და მთის ინფრასტრუქტურის განვითარების საპროექტო დოკუმენტაცია უკვე მზადაა. როგორც მთავრობის №648 განკარგულებიდან ირკვევა, „საქართველოს რეგიონული განვითარებისა და ინფრასტრუქტურის სამინისტროსათვის 100%-იანი წილის მართვის უფლებით გადაცემულ შპს „თეთნულდ დეველოპმენტსა" და შპს „დისტანციური ზონდირებისა და გეოინფორმაციული სისტემების საკონსულტაციო ცენტრ გეოგრაფიკს" შორის 2013 წლის 30 მაისს გაფორმებული ხელშეკრულების ფარგლებში, მომზადებულ იქნა თეთნულდის სათხილამურო ტრასებისა და მთის ინფრასტრუქ¬ტურის განვითარების საპროექტო დოკუმენტაცია".
საპროექტო დოკუმენტაციით გათვალისწინებული ღონისძიებების შეუფერხებლად განხორციელებისათის კი „თეთნულდ დეველოპმენტმა" საზედამხედველო მომსახურების, სამშენებლო-სამონტაჟო სამუ¬შაოებისა და მასთან დაკავშირებული საქონლისა და მომსახურების სახელმწიფო შესყიდვა უნდა უზრუნველყოს. აღნიშნულის მისაღწევად კომპანია 5,5 მლნ ლარს მიიღებს.
„საზედამხედველო მომსახურების, სამშენებლო-სამონტაჟო სამუ¬შაოებისა და მასთან დაკავშირებული საქონლისა და მომსახურების სახელმწიფო შესყიდვის დაფინანსება განხორციელდეს საქართველოს მთავრობის 2013 წლის 7 მაისის №423 განკარგულების საფუძველზე, კომპანიისათვის გამოყოფილი საბიუჯეტო სახსრების აუთვისებელი 500 000 (ხუთასი ათასი) ლარით და საქართველოს მთავრობის 2013 წლის 26 დეკემბრის №2157 განკარგულების საფუძველზე, საქართველოს ფინანსთა სამინისტროს მიერ, „საქართველოს 2013 წლის სახელმწიფო ბიუჯეტის შესახებ" საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან, საქართველოს რეგიონული განვითარებისა და ინფრასტრუქტურის სამინისტროსთვის გამოყოფილი 5 000 000 ლარით"- აღნიშნულია მთავრობის განკარგულებაში.
