საქართველოს აეროპორტების გაერთიანებამ, თბილისი-მესტია-თბილისის მიმართულებით ფრენების განხორციელების მიზნით ელექტრონული ტენდერი გამოაცხადა. ტენდერში გამარჯვებული ვალდებულია მესტიის მიმართულებით 3 წლის განმავლობაში იფრინოს. სატენდერო პირობების თანახმად,საჰაერო ხომალდს უნდა შეეძლოს არანაკლებ 15 სრულწლოვანი ადამიანის გადაყვანა ბარგთან ერთად (თითო მგზავრზე არანაკლებ 15 კგ.); ასევე საჰაერო ხომალდს უნდა შეეძლოს თავდაპირველი
საწვავით გამართვის შემდეგ თბილისი-მესტია-თბილისის მიმართულებით ავიარეისის შესრულება საწვავის დამატების გარეშე;
შესყიდვის სავარაუდო ღირებულება კი 6 მლნ 904 ათას 462ლარს შეადგენს, ხოლო წინადადებების მიღება კი 7 მაისისთვის სრულდება.
უკვე ცნობილია, რომ მგზავრობის საფასურის ნაწილი ავიაბილეთების რეალიზაციით მიღებული შემოსავლით დაიფარება, ხოლო დანარჩენს სახელმწიფი ბიუჯეტი გაიღებს.
მასალის გამოყენების პირობები
