ამომრჩეველთა საინიციატივო ჯგუფებისთვის რეგისტაციის ვადა 10 დღით გაიზარდა,რაც გულისხმობს იმას, რომ ადგილობრივი თვითმმართველობის არჩევნებისთვის საინიციატივო ჯგუფებს შესაძლებლობა ექნება დარეგისტრირდნენ არჩევნებამდე არაუგვიანეს 47 დღისა.
შესაბამისი ცვლილებება "საარჩევნო კოდექსში" დაგეგმილი ცვლილებების პროექტში დეპუტატ ზაქარია ქუცნაშვილის წინადადებით აისახა.
პარლამენტში წარდგენილი თავდაპირველი ვერსიით, ამომრჩეველთა საინიციატივო ჯგუფების რეგისტაციის ვადა არჩევნებამდე 57 დღით ადრე იწურებოდა. იმ არგუმენტაციის გათვალისწინებით, რომ აღნიშნული ვადა ძალიან მცირეა, პროექტში ცვლილება შევიდა და ადგილობრივი თვითმმართველობის არჩევნებისთვის საინიციატივო ჯგუფებს შესაძლებლობა ექნება დარეგისტრირდნენ არჩევნებამდე არაუგვიანეს 47 დღისა.
იგივე ცვლილება ეხება მხარდამჭერთა სიების წარდგენის ვადასაც.. როგორც პარლამენტის დღევანდელ პლენარულ სხდომაზე დეპუტატმა თამარ კორძაიამ განმარტა, შემოთავაზებული კანონპროექტით საინიციატივო ჯგუფებს რეგისტრაციის ვადა 19 აპრილს ეწურებოდათ, ახლა კი მათ ვადა 29 აპრილს ამოეწურებათ.
