ხელფასები დაექვითებათ იმ დეპუტატებს, ვინც მარტის თვეში პლენარული სხდომები არასაპატიო მიზეზით გააცდინა.
აღნიშნულთან დაკავშირებით, პარლამენტის თავმჯდომარე დავით უსუფაშვილმა პარლამენტის ბიუროს დღევანდელ სხდომაზე განაცხადა.
დავით უსუფაშვილის თქმით, უნდა გამკაცრდეს ზომები გაცდენებთან დაკავშირებით, ამიტომ მნიშვნელოვანია კომიტეტის თავმჯდომარეებმა აწარმოონ გარკვეული რეგულაცია კომიტეტის წევრების დასწრების საკითხზე.
,,მინდა ვთხოვო პარლამენტის საფინანსო სამსახურს, ასევე მანდატურებს და საპროცედურო საკითხთა კომიტეტს, დეპუტატების მიერ მარტის თვეში არასაპატიო მიზეზებით გაცდენა, პარლამენტის წევრების აპრილის თვის ხელფასზე აისახოს.
გაირკვეს თუ რა მიზეზებით მოხდა გაცდენები და რამდენად საპატიოა ისინი", -განაცხადა პარლამენტის თავმჯდომარემ.
