თვითმმართველ ქალაქებში მერობის კანდიდატებს კოალიცია "ქართული ოცნება" 26 აპრილს დაასახელებს.
როგორც კოალიციის პრესსპიკერმა გიორგი გეგეჭკორმა დღეს ჟურნალისტებს განუცხადა, "ქართული ოცნება" დარწმუნებულია, რომ ადგილობრივი თვითმმართველობის არჩევნებში ყველგან გამარჯვებული იქნება.
მისივე ინფორმაციით, დღეის მდგომარეობით, ფაქტობრივად, ყველა საარჩევნო შტაბი ამოქმედებულია.
"თვითმმართველ ქალაქებში მერობის კანდიდატებს კი 26 აპრილს წარმოგიდგენთ", - განაცხადა გიორგი გეგეჭკორმა.
"ქართული ოცნება-დემოკრატიული საქართველოს" გენერალურმა მდივანმა კახი კალაძემ ცენტრალური საარჩევნო შტაბის პრესსპიკერი გიორგი გეგეჭკორი დღეს წარადგინა.
