"ევროპელი დემოკრატების" ლიდერი, პაატა დავითაია ქართველი ჟურნალისტების დაკავებას ეხმიანება და ოსურ მხარეს მედიის წარმომადგენლების დაუყოვნებლივ გათავისუფლებისკენ მოუწოდებს. როგორც საკითხის კომენტირებისას პაატა დავითაია ,,პრაიმ ტაიმის" პრესკლუბში განაცხადა ჟურნალისტებს კონფლიქტის ზონაში გადაადგილების უფლება აქვთ და ამას საერთაშორისო სამართალი არეგულირებს.
"ეს არა მხოლოდ საქართველოს კანონმდებლობით, არამედ, საერთაშორისო სამართლითაც რეგულირდება. რა კონფლიქტის ზონაც არ უნდა იყოს საერთაშორისო სამართალი არეგულირებს იმას, რომ იქ ჟურნალისტები სარგებლობენ ხელშეუხებლობით. აქედან გამომდინარე, არავის აქვს უფლება მათ დააბრალოს საზღვრის გადაკვეთა ან, ჯარიმა გამოუწეროს და მერე გაუშვას. დაუყოვნებლივ უნდა მოხდეს მათი გათვისუფლება, რადგან მასმედიის წარმომადგენლები თავისუფლები არიან მათ გადაადგილებაში და მოქმედებაში."-აცხადებს დავითაია.
მასალის გამოყენების პირობები
